جربت تبقى فأر قبل كدا؟!

طول عمرنا علاقتنا بالفأر هى يا شبشب يا مصيدة هى دى الحقيقة، مفيش حد فينا كان نفسه يكون فأر، ولا حتى بيحب اللى يشبهه بالفأر، الفأر دا حاجة قذرة جدا على فكرة، ومقرفة، بس تعرفوا فيلم كاتونى إسمه الفأر الطباخ، الفيلم دا من كتر إعجابى بيه بعتبره أعظم محاضرة تنمية بشرية، وثقتها الأحداث اللى حصلت فى الفيلم، من بداية مكان الفأر دا حاسس إنه عنده موهبة غير عادية فى قوة حاسة الشم اللى كان بيتميز بيها عن غيره من بقية العشيرة اللى بينتمى ليها، وبالصدفة كان والدة هو زعيم العشيرة، والدة مكنش هيخسر حاجة لو كان قاله أنا مؤمن بالموهبة بتاعتك، لكن اللى مكانش مؤمن بيه هو إن الموهبة دى ممكن تحقق أى تغير إيجابى فى حياة العشيرة، اللى كانت ممكن فى لحظة يتوقف عليها حياة العشيرة كلها بسبب أنهم يكلوا أكل مسمم، وبعد ما والده إضطر أسفاً أنه يعترف بأن موهبة إبنه ممكن تغير من شئ كان من الممكن أنه يقضى على العشيرة بالكامل، وكلنا عارفين يعنى إيه أهل الفأر، أسف أهل الشخص لأنى عارف إن الكل بيكره كلمه فأر، يعترف أسفاً بموهبته الغير عادية ودا علمياً بسبب أن أغلب البشر بيكرهوا التغيير لأنه غير مألوف على مجتمعهم وثقافتهم وعاداتهم وقليل جدا اللى بيقيد التغيير والخروج عن المألوف، ودا بيجى نتيجة لأسباب كتير منها إصرار الشخص على تحقيق هدفه.

ها قولى بقى .. تحب تبقى فأر؟!

 وأنتى كمان إستنى راحة فين تعالى ههههه تحبى تبقى فأرة أنثى الفأر على فكرة مش بتريق.

تعالوا بقى نتكلم بواقعية شوية 

"أنا قررت أبقى فأر"

 بما أنى قررت أبقى فأر،تعالوا نشوف إيه هى الفوايد العلمية للفأر؟

أصعب سؤال ممكن تواجهه بعد السؤال الأول طبعاً، عارفكوا مش هتفكروا لأنكوا مش فئران أقولكوا أنا.....

أولاً الفأر بيساعد على خصوبة التربة الزراعية طب إزاى الكلام دا يا جدع أقولك .. فضلات الفأر اللى بتكون نتيجة لعملية الإخراج بتساعد على خصوبة التربة بالإضافة لموهبتة فى الحفر والتغلغل فى أى شئ دا برضة بيساعد على تهوية التربة.

ثانيا ودى حاجة مهمة جداً بالنسبة لنا إحنا البشر، ولا مؤاخدة فى دى الكلمة هههه هى التجارب العلمية اللى بنعملها على الفأر عشان نختبر نتيجة بعض العلاجات لبعض الأمراض اللى بتظهر فى مجتمعنا.

وأخيرا بقا أهم فوائده هى إلهامى أنا شخصياً بكتابة المقالة دى

 وأخر حاجة أحب أشكر الفأر ووالده وكل واحد إشتغل على فيلم الفأر الطباخ اللى جسد لنا أروع محاضرة تنمية بشرية عشان تكون رسالة لكل واحد بيحاول يتمرد على وضعه الحالى ونفسه يبقى نفسه.